Hüt isch di letscht Iiwohnerratssitzig vo 2016

Usnahmswiis am Mittwoch tagt de Iiwohnerrat und het zum Jahresend über zwei Kreditbegehre z entscheide. Zudem wird Abschiid gfiired.

De Markus Dieth wird hüt letschti Mol als Gmeindamma bi ere Sitzig vom Iiwohnerrat derbi si, wi au d Yvonne Feri als Gmeindrätin. Aber gliichwohl gohts In de Sitzig um einiges meh.
S Kreditbegehre für d Drüfachturnhalle und für «Little Wettige» a de Badefahrt. D Fraktionsbricht gebed Hiwiis, dass beidi Aaträg dörfte gnehmiged werde, wobi de erschti witgehend unbestritte isch, de zweit aber dörft z rede geh. Bi de Drüfachturnhalle isch de Bedarf nämlich unbestritte, während bim Kredit für «Little Wettige» d FInanzkommission de Aatrag stellt, s Gäld us em laufende Budget z näh, entweder us em Poschte für d Standortförderig oder für d Kultur. Dem schlüsset sich d Fraktione SVP und BDP aa.

Advertisements