Als Aaerkennig für sini Verdienscht um d Ortsbürgergmeind het d Gmeindversammlig de Regiirigsrat in Spe s Ehreortsbürgerrächt verliehe.
D Leitig vo de Versammlige vo de Ortsbürgergmeind ghört zu de Ufgabe vom Gmeindammaa, gliich ob er Ortsbürger isch oder nöd. So isch d Wintergmeind vo de Ortsbürger di letscht gsi, wo de Markus Dieth gleitet het. Nebem Budget 2017, wo eistimmig gnehmiged isch worde, hets noch es ehnder emotionals Traktandum geh. D Familie Dieth het s Ortsbürgerrächt vo Wettige verliehe übercho und nach ere Laudatio vom Präsident vo de Ortsbürgerkommission, em Emil Bosshard, het d Ortsbürgergmeind em Markus Dieth au no s Ehrebürgerrächt verliehe.
.
Ortsbürgergemeinde, Politik, Wettingen
De Markus Dieth isch Ehrebürger vo de Ortsbürgergmeind worde
Wettiger Nochrichte 