Am Jahresend isch es üblich Rückschau z halte. Mir mached das us aktuellem Aalass e chli früehner.
S Jahr 2016 isch s erschti, wo mir, also de Fabian Schmid und de Lutz Fischer. d Wettiger Nochrichte über s ganzi Jahr verantworted hend. Es esch veel Büez gsi und mir wörde ois froie, wenn no me Artikel (mit Föteli) iigreichd werde, wo mir eifach chönnted veröffentliche. Uf de andere Site het es ois au veel Spass gmachd und di positive Rückmeldige und d Läser- und Zuegriffszahle zeiged, dass d Wettiger Nochrichte gern gläse werde. Dann macht es natürlich au ois Froid.

Und jetz zum aktuelle Aalass: Hüt am Morge, 13. Dezember 2016 hend mir bi de Bsuecher vo de Siite d 30’000er-Gränze erreicht und das bi wit über 50’000 Klicks uf Site vo ois. Das isch e tolli Sach und mir hoffed, dass mir mit oirer Unterstützig das Projekt no lang chönnd witerführe.