Wenn Ihr in nächster Ziit planed über d Lägere z wandere oder wenn denn de Schnee chämt, go schlittle uf Regensberg-Hochwacht, denn müssted Ihr wüsse, dass s Restaurant Hochwacht vorussichtlich no bis is Johr 2018 zue bliibt. Also müsstet Ihr künftig s Trinke und s Esse selber uf de Berg ufe träge.
Sit em 29. August esch s Restaurant bereit’s zue. Eigentlich hättis im September weder sölle ufgo mit eme neu Pächter. De Pächter hed denn aber unerwartet en Rückzieher gmacht.D Situation esch für en Pächter enorm schwer, be guetem Wetter werd s Restaurant gstürmt, be schlechtem Wetter chond fast niemed verbii. Zudem esch s Gebäude nümm ime Topzuestand und so chonds, dass d Eigetümerin sich defür enschede hed, s Restaurant zerscht weder in Stand z stelle. Das esch e komplizierts Unterfange, da s Gebäude usserhalb vo de Bauzone esch.
Wettiger Nochrichte 