Jetzt gilts ernscht!

Morn isch Wahltag. Wer sini Stimm no nöd abgeh het, cha das no bis morn am Morge.

Durch d Wahl vom Markus Dieth i de Regiirigsrat bruuchd Wettige en noie Gmeindrat und en noie Gmeindamma. Morn isch d Ersatzwahl und s Stimmcouvert cha numme no im Rathuus oder morn a de Urne abgeh werde, wo vom nüni bis um zehni offe isch. E hohi Wahlbeteiligung wär z wünsche, gohts doch um wichtigi politischi Ämter in oisere Gmeind.

Bi de Ammawahl git es mit em Roland Kuster (CVP) numme ein offizielle Kandidat, aber im erschte Wahlgang isch jede Stimmbürger und jedi Stimmbürgerin wählbar, we er im Gmeindrat isch oder me ihm oder ihr d Stimm als Gmeindrat git

Bi de Gmeindratsersatzwahl gits mit em Martin Egloff (FDP), em Michael Merkli (BDP) und em Roland Michel (CVP) drü Kandidate, wo den bisherige CVP-Sitz wend ha. Aber au hiir isch im erschte Wahlgang jede Stimmbürger und jedi Stimmbürgerin wählbar.

Advertisements