Nöd alli hend di heilig Nacht so gfiired, wi sich das di meischte vorstelle. A de Lindestrass sind einigi Auto bschädiged worde.

Vo geschter uf höt sind z Wettige einigi Fahrzüüg schwer beschädiged worde. Eis vorem Huus a de Lindestrass 26, anderi gegenüber bim Hochhuus. Nach noischte Aagabe vo de Kantonspolizei Kapo vom 27. Dezember sind 14 Fahrzüüg betroffe. Es sind Schiibe iigschlagen und Schiibewöscher abgrisse worde, so eine vo de Gschädigte gegenüber de Wettiger Nochrichte.
D Dimension vo de Tate het d Polizei erscht spöter realisissiert, so de Mediesprecher vo de Kapo, de Bernhard Graser gegenüber em Badener Tagblatt. D Täter, zwei Schwiizer Jugendlichi im Alter vo sibzäh und achtzäh sind in de Tatnacht vo de Regionalpolizei (RePol) aaghalte worde und – will si starch alkoholisiirt si gsi – mitgnoh worde. Au nüchtern heiged si d Tate gsatnde, so de Graser. S Motiv sig Langeweile gsi. Di beide werded sich vor de Staatsaawaltschaft verwantworte müesse.