Uf de A1 uf em Gmeindsbann vo Würelos sind am 26. Dezember 2016 gege di halbisächsi am Abe zwei Auto in e Streifkollision verwickled gsi. Wil sich di beide Fahrzüüglenker gegesitig beschuldige, suechd d Kantonspolizei Aargau (Kapo) Züüge.
2016-04-24-15-53-15Am Stephanstag gege di halbisächsi sind di betroffene Fahrzüüg uf de A1 Richtig Züri unterwägs gsi. En bruune BMW 116i isch uf de mittlere Spur gfahre, en graue Alfa Romeo 147 uf de Spur ganz links. Zwischem Aaschluss Wettige-Ost und de Raststätt Würelos sind di beide Auto, wo nebenan her gfahre sind, sitlich zämmegstosse. Es het en Schade vo öppe 5’000 Franke geh und zum Glück kei Verletzti. Beidi Beteiligte hend sich gegesitig vorgworfe, über d Spur gfahre und so de Uufall verursacht z ha.
Di Mobil Iisatzpolizei z Schafise (Telefon 062 886 88 88) suecht us dem Grund Augezüüge.