Scho de dritti Kurs vo de Chinderbühni Wettige goht z End. Wi jedes Mal gits zum Schluss en Ufführig, au dismol wide rim Gluri Suter Huus.

buehne-gluri-suter-huus
D Bühni im Gluri Suter Huus

Mit vil Herzbluet leitet d Claudia Sandmeier sit einehalb Jahr d Chinderbühni Wettige. Jewils en halbjährige Kurs wird vo de Schauspilerinne und Schauspiler mit ere Ufführig angschlosse. Jetzt isch es wider so wit: Am Mentig, 16. Januar 2017 spiled d Chind vom 3. Kurs s Stück «Oben/Unten – Ein Spiel zwischen den Welten». De Iitritt isch e Kollekte, wo d Unkoschte vo de Ufführig und em aaschlüssende Apéro sell decke. Iiglade isch jede, wo wot cho. Abgseh vo de Eltere, Verwandte und em witer Umfäld vo de Schauspilerinne und Schauspiler dörft s Stück bsunders für di Chind und ihri Familie interessant si, wo sich für de viirt Kurs interessiire. Der started am 20. Februar mit emem Schnuppertraining. Alli Informatione und s Aameldeformular finded sich uf de Website vo de Chinderbühni:  https://www.kinderbuehne-wettingen.ch/kurs-4