tigedEs 10-jährigs Maidli het sich am letschte Donnschtig, 12. Januar 2017 bi de Polizei gmelded, wil es i de Migros-Filiale im Lift beläschtiged worde isch. D Polizei suecht es älters Paar, wo im Erdgschoss vor em Lift gwartet gha het.
Es isch öppe um Viirtelvorzwoi am Namittag gsi, wo di 10-Jährig vom WC i de Migros-Filiale z Wettige zum Lift gangen isch. En korpulenter Maa isch ihre gfolgt und het das Maidli im Lift berührt und bedrängt. Selber het er sich au Chleidigsstück abzoge. Wo sich dew Lift im Erdgschoss göffnet het, het d Schüelerin chönne devolaufe. No am gliiche Namittag isch de Vorfall bi de Kantonspolizei (Kapo) gmelded und de unbekannti verzeigd worde. Si het de Maa so beschribe: öppe 40-jährig, korpulent, kurze Bart, blaui Jacke, blaui Jeans, schwarze Schal, glänzendi Lederschueh, südländischs Usgseh, Boxershorts mit Italie-Fahne.
Es ältest Paar het schints unte vor em Lift gstande, wo s Maidli het chönne devolaufe. D Kapo suecht di beide als Züüge und au anderi Mönsche, wo zu de Tat chönnd Aagabe mache, sölled sich bi de Kapo z Bade melde: Tel. 056 200 11 11.
Wettiger Nochrichte 