Hüt esch Sirenetescht

Hüt, Mittwoch, 1. Februar 2017 werde i de ganze Schwiiz, also au z Wettige, d Sirene teschtet. Also nöd verschrecke!
Jedes Jahr werded Alarmsirene teschtet, um sicher z si, dass si im Ernschtfall au funktioniire und um d Bevölkerig füren allfälligi Alarmiirig z sensibilisiire. Hüt esch es wider so wit: Zwüsche 13.30 Uhr und 14.00 Uhr wird de «allgemeini Alarm» teschtet und zwüsche 14.15 Uhr und 15.00 Uhr zusätzlich de «Wasseralarm» unterhalb vom Chraftwerk. Falls en Alarm userhalb vo dene Ziite z hören esch, dann esch es kein Tescht, sondern d Bevölkerig isch ufgruefe, Radio z lose, d Aawisige vo de Behörde z befolge und Nachbare z informiire.
De «allgemeini Alarm» isch en regelmässige Heulton wo e Minute lang duured und regelmässig uf- und abstiigd, während de «Wasseralarm» us zwölf tüüfe Duurtön vo je 20 Sekunde bestoht, zwüsche dene es jewils 10 Sekunde Pause git. Vor em «Wasseralarm» wird immer z erscht Zeiche vom «allgemeine Alarm» usglöst und Bedütig isch, dass me s gfährdete Gebiet sofort verlasse sell.

Hiwiis und Verhaltensrägle finded sich uf de Site 680 und 681 im Teletekscht und unter www.sirenentest.ch.

Advertisements