Nach sächs Stond gmeinsahmer Arbet sind die 29 Rolle Teppich met emene Gsamtgwecht vo 5 Tonne verleid. D Bahne genau usgrechtet, abekläbt, Chläber vo vergangne Aläss entfernt, poliert, vom tägi Abwart met de Maschene potzt, vo Hand notröchnet ond am Schloss d Markierige genau usgrächnet ond ufkläbt. En wassergrüene Bode met nor dere Markierig wo eusi Hockey Dame zom spele bruched. Förd Zueschauer esch die schnelli Sportart so no attraktiver zom luege. Chömed doch vom 17.-19.2. is tägi ond öberzüged euch sälber.