Sachschade durch Randaliirer

Geschter hend Jugendlichi uf em Wäg vom Margi zum Lindehof randaliirt. E muetigi Aawohnerin het si gstellt.

Losgange esch de «Saubannerzug» schints em Margi-Schuelhuus, wo Container umgworfe worde sind. Gege di Ölfi z Nacht sind di Jugendliche durch d Winere und hen dete es Gartetor iitramped. Wo en Aawohnerin gmerkt het, dass es nöd numme Lärme, sondern au Sachschade git, esch si de Gruppe noche gloffe. Wo d Gruppe gflüchted esch, het d Verfolgerin s Velo gnoh und het d Gruppe bim Lindehof gstellt. D Polizei het d Name vo de Beteilgde ufgnoh. 

Update (11.2.17, 15:50 Uhr): In de Zwischeziit hend sich di acht junge Manner bi de betroffene Familie entschuldiged und werde d Reparatur vom Törli zahle.

Advertisements