E Veloglocke isch nümm vorgschribe

Es git Verordnige, wo gändered werde und keine merkts. Bi de Veloglocke esch das de Fall.

Quelle: Wikimedia Commons Urheber: bukk

Ob me si bruuchd oder nöd, da drüber cha ma schtrite, aber klar esch: sit em 15. Januar 2017 esch d Veloglocke nüm Pflicht. De Bundesrot het de entsprechend Artikel 218 in de Verordnig über di technische Aaforderige an Strassefahrzüüg im November 2016 gändered.

Wer als Velofahrer aber lieber d Fuessgänger, wo uf gmeinsame Velo-/Fuesswäg unterwägs sind oder sich emol uf de Velostreife verirre, wot warne, statt müesse aazhalte, esch immer noch guet berote, wenn er e Veloglocke am Velo het.

Advertisements