Paradiso Intercoiffure wird 25!

Am 1. April 2017 fiired Paradiso Intercoiffure sis 25-jährig Jubiläum Vom Zähni am Morge bis um Sächsi am Abe gits en Apréro. Aber au en Vortrag, es Konzert und es Glücksrad wird’s geh.
Im Huus a de Landstras 116 esch set 1940 en Coiffeur dinne. S Ehepaar Bärtschi hätt im Johr 1988 de Damesalon im 1. Stock  an  de Franco Scire ond d Maria Moser vermietet. Nach nor 2 Johr het de Gerry Moser met de Frau s Gschäft för au 2 Johr gmietet und denn di chemisch Reinigung vo sim Vater übernoh. Das esch die Glägeheit gsi und de Nicola (Nic) und Gabriela (Gabi) Paradiso-Keller händ Paradiso intercoiffure gröndet. Nachdem d Brigitte Huggenberger-Bärschi de Herrensalon abgeh hätt, händs im Parterre no en Nageldesignerin und en Masseur gha. Set 15 Johr sends jetzt im Parterre. De Nic esch set 2008 im Ossedienst für Coiffeure tätig. S Team vo 4 Coiffeuse und 1-2 Lernende wird regelmässig vonere anonyme Testerin dorch intercoiffure bewertet. Met über 30 Johr Erfahrig vo de Gabi und de Claudia und junge Ideen vo de Cassandra und Tochter Justine chöned alli mögliche Wönsch erfüllt werde.

Advertisements