Sit em Debüt i de Zürcher Tonhalle im September 2007 hät sich s Stradivari Quartett zu eim vo de führende Schwiizer Strichquartett-Ensembles entwicklet. Am Sunntig, 5. März 2017 konzertiird s Ensemble z Wettige i de reformiirte Chile.
S Stradivari Quartett het scho i vilne grosse Konzertsääl vo dere Wält gschpilt, wi de Wigmore Hall z London, de Kioi Hall z Tokyo oder de Shanghjai Oriental Hall. Am Sunntig spileds um viiri am Namittag i de reformiirte Chile a de Etzelstroos 22 Stück vo W. A. Mozart und em Robert Schumann und es Orgelkonzert vo Joseph Haydn, letschteres zämme mit em Jonas Hablützel, em Hauptorganischt vo de reformiirte Chilegmeind.
De Iitritt isch frei.
Wettiger Nochrichte 