Was wird us de Wettiger BDP?

D Wettiger BDP zeiged Uflösigserschinige. Vo de drü Politiker sind zwei us de Partei usträte.

In Wettige sind drü BDPler politisch aktiv. Zum eine de Michel Merkli, Iiwohnerrat und s Ushängeschild vo de Partei. De zweit Iiwohnerrat esch de Martin Spörri, wo durch sin Wächsel vo de SP zu de BDP letschtere e Verdopplige vo de Sitz im Iiwohnerrat brochd het. De dritt esch de Beni Blaser, Mitgliid vo de Wettiger Iibüprgerigskommission. All drü sind bi de Grossratswahle im Oktober 2016 für d BDP vom Bezirk Bade aaträte und sind au mitenand uf Plakat z gseh gsi.
Wi jetzt bekannt worde esch, het sowohl de Michael Merkli wi au de Beni Blaser ihre Parteiustritt erklärt. Hintergrund esch en Konflikt mit de Kantonalpartei. De Michael Merkli het i de Zwischeziit aakünd, dass es e Freii Wählergruppiirig wird gründe, für di er im Iiwohnerrat wird bliibe und di au bi de Wahle im Herscht wot aaträte.

Advertisements