Kapelleverein “zum heiligen Kreuz”

Am Donschtig de 9. März 2017 esch die 12. Generalversammlig vom Kapelleverein „zum heilige Chrüz“ gsi.

Vo de total 109 Mitglieder send doch en guete drittel, nämlich 34 Persone, im Pfarreiheim St.Sebastian erschien. Under de Traktande, esch unter andrem au de Präsident, de Markus Brunner für die nöchste zwoi Johr weder einstimmig gwählt worde. Bem Traktadum 10 esch es darum gange, de katholisch Chelegmeind en Antrag z stelle, öb d Sulzbergkapelle au i de Verein cha integriert werde, da au die Kapelle ähnlichi Unterstützig cha bruche. Das esch de einzig Punkt gsi im erste Teil wo für Gspröchs-Stoff g’sorgt hed… aber au de Antrag esch einstimmig a‘gno worde. De ofizielli Teil hed ca. e Stond dured bevor denn de g’müehtlich Teil hed chönne beginne. D Mezgerei Felder hed leckere Härdöpfelsalat und heisse Schinke gliefered, einigi Mitglieder händ zom Dessert feini Chüeche selber bached.

Alles in allem en sehr glungene Anlass.

hdr kapelle wettingen

De Verein setzt sich für Schutz, Pfleg und Unterhalt vo de denkmalgschützte Kapelle und Umgäbig ii. Be religiöse Anläss stönd Sie natürlich als Unterstützig parat und lueged, dass regelmässig d Kapelle dekoriert und in Schuss esch.

Be Interesse findet mer meh Info do:

http://www.wettingen.ch/de/vereine/vereinsliste/welcome.php?action=showverein&verein_id=6567

Advertisements