Mir hend geschter de Uufall a de Landstrass bi de Iimündig vo de Jurastrass gmelded. D Kantonspolizei suecht jetzt Züüge.
D Polizei schriebd i de Mediemitteilig, dass de Uufall am 9. März 2017 kurz nach de zwölfi passierd esch. En 22-jährige Automobilischt hät demnach  de 7-jährig Bueb aagfahre, wo kurz vorher no uf em Trottoir gsi esch. Um de gnau Uufallhergang chönne z rekonschtruiere, suecht d Polizei Züüge, wo de Uufallhergang beobachtet hend (Mobili Iisatzpolizei z Schaffise: Tel. 062 886 88 88).
Kurz nach em Iigang vo de Uufallmedlig send d Ambulanz, d Kantons- und d Regionalpolizei zum Uufallort usgruckt. De Bueb esch mit schwere Verletzige ins Sputal cho und hät am Namittag mit em Rettigsheli ins Chinderspital uf Züri müesse gfloge werde.