Bi de ordentliche Jahresversammlig vom Brancheverband Aargauer Wy esch de Roland Michel zum noie Präsident gwählt worde. Er folgt em Küttiger Peter Wehrli.

Zwölf Jahr lang esch de Winzer Peter Wehrli vo Küttige Präsident vo de Aargauer Winzer gsi. Jetzt het de Brancheverband bi de GV de Präsident vo de Wybaugnosseschaft Wettige, de Roli Michel zum noie Präsident gwählt.

Mir vo de Wettiger Nochrichte wünsche em Roli vil Erfolg und Froid in sim Engagement für de Aargauer Wy.