Verkehrsregime het gändered

Wer vo Wettige us uf Noiehof fahrt oder i de letschte Täg d Autobahn-Uffahrt Noiehof bruchd het, het es scho gmerkt: Einiges esch anderscht worde.

Drü, viir Änderige sind ois bis jetzt ins Aug gestoche, für eini wo us oisere Sicht wichtig wäre fehlt leider der Platz.

Fanged mir bi derer Änderig aa, wo me als erschtes bemerkt, wenn me vo Wettige her über d Limmatbrugg Richtig Noiehof Fahrt. Noi het es dete zwei Fahrspuhre, so dass d Auto, wo uf Noiehof wend, di mit em Ziil Autobahn oder Bade nöd blockiired.
Di zwei chunnt, we me uf d Autobahn Richtig Züri wot. Bisher esch es nöd uugfährlich gsi, we me unter de Autobahn durchgfahre esch, wil me uf d Autobahn d Auto vom Bade her het müesse vorbilah. Jetzt esch d Spur von Wettige und Noiehof her di, wo direkt uf d Autobahn führt und di vo Bade her Richtig Noiehof. So müend au d Automobilischte, wo vo Bade her uf d Autobahn wend, Obacht geh, was zu gringere Geschwindigkeite und ere höchere Ufmerksamkeit führt.

Di nächschte beide Änderige betreffed di beide Spure bi de Abfahrt von de Autobahn Richtig Noiehof/Wettige. Scho bisher esch di link Spur für de Vercher Richtig Noiehof gsi und di Recht für den Richtig Wettige. Noi esch zwüsche de beide Spure e durchzogeni Linie, so dass s Rechtsüberhole, wo eh verbote esch, no dütlicher e Verletzig von de Verkehrsregle esch. Au bim Linksabbiige Richtig Wettige und Bade hets en Änderig geh. Di beide Spure sind verlängered worde, so dass bi de Grüenphase vom Lichtsignal mehr Fahrzüüg über d Chrüzig chönnd fahre.

Besser vermuetlech “chönnted” denn ob de Rissverschluss besser funktioniirt wir bisher (nämlich gar nöd), da dran hend mir Zwiifel. Schön wär’s aber und würde de Stau für alli verringere.