S 5. Oschter-Vespa-Träffe esch uf em Rothuusplatz gsi

Scho zum 5. Mol het d Schwiizer Vespa-Szene z Wettige ihres Opening gfiired. S Träffe het sich i de Szene etabliirt.

Vespa 2017 02

Pfarrer Stefan Burkhard bi de Sägnig vo de Vespisti

Ihre Aafang het di vom Uwe Knopf initiirti Veraastaltig im 2013 gnoh, wo am Karsamschtig zäh hartgsotteti Vespisti im Räge usghart hend. I dem Johr send es 140 gsi, wo us de Nöchi und de Ferni uf Wettige cho sind. Gäge di elfi am 15. April het me s Knattere vo de Zweitakter ghört und de Ton vo de Akropovic und Remus vo de moderne Vespas, wo hüt en feschte Platz i n de Szene händ.
De Rothuusplatz het sich immer meh gfüllt, bis kurz vor de traditionlle Sägnig fascht 140 Vespisti z zähle si gsi, wo sich bi ere feine Wybuurewurscht oder eme Cervelat verpflägt hend und aagrägd über ihri Liebling plaudered hend. Gege di eis het de reformiirt Pfarrer Stefan Burkhard dann Vespistis gsägnet. Danach esch es zum Corso gane, rund um Wettige umme.
De
René het di guet 100 Vespistis quer durch d Gegend um d Lägere umme gführt. Nach ere glungeni Runde hend sich alli wider uf em Rothuusplatz troffe, zum sich Stärke, zum en Parcours bewältige oder zum Gschpröchle. Wo sich di erschte uf de Heiwäg gmached hend, esch klar gsi: De nächschte Termin stoht scho wider fäscht: Karsamschtig 2018!
(UK/LF)

Advertisements