D Vespisti started wider z Wettige in d Saison

Am Karsamschtig esch es wider so wit. D Vespisti treffed sich zum füfte Mol z Wettige zum Oschterträffe.

Wo de Uwe Knopf, damals no z Wettige dihei, im 2013 s erschti Vespa-Träffe uf em Zentrumsplatz organisiirt het, esch no nöd absehbar gsi, dass s Treffe sich in de Vespa-Szene so wird etabliire. Mit em 5. Oschterträffe, sit em letschte Johr findeds uf em Rothuusplatz statt, esch de Aalass aber längscht Tradition.

Am 15. April 2017 gohts ab em Elfi mit em Aarolle los und um eis esch di traditionell Sägnig von de Vespisti vorgseh, wo i dem Jahr vom Pfarrer Stefan Burkhard vorgnoh wird und um Halbizwoi esch de Corso, e chlini Rundfahrt planed. Für d Organisation und d Verpflägig esch de Vespa-Club Wettige bsorgd.

Advertisements