De FC het d Tabelleführig verteidiged

De FC Wettige het hüt, Samschtig, 29. April 2017 dihei gege de FC Brugg müesse aaträte. Mit em 3:1 bliibed d Wettiger a de Tabellespitze.
Vor meh wi 200 zahlende Zueschauer esch de FC Wettige am  19. Spieltag im Stadion Alteburg gäge Brugg aaträte. Relativ früeh sind d Wettiger mit 1:0 in Führig gange und hend de Vorsprung bis zu de Pause uf 2:0 chönne usbaue. In de zweite 45 Minute het d Heimmannschaft Druck us em Spiil gnoh, aber Brugg het numme in Aasätz davo profitiirt. Gändered het sich das, wo d Brugger durch en Penalty öppe e Viirtelstund vor em Ändi vom Match de Aaschlusstreffer zum 2:1 gschosse hend. Wettige het sich aber nümm “d Butter vom Brot” lah neh und het de Match mit eme 3:1 für sich chönne entscheide. Damit bleibt de FC uf em 1. Tabelleplatz vo de 2. Liga regional.

Advertisements