Ehepaar us Wettige zu Gfängnisstrof verurteilt

De es em Kosovo stammendi Maa, dem vorgworfe worde isch, er hetti d IV um fascht ei Millione Franke betroge, esch zu ere Gfängnisstrof verurteilt worde. Au sini Frau muess hinter Gitter.
D Strof, wos Bezirksgricht Bade verhängt het, isch no nöd rechtskräftig und cha ans Obergricht witerzoge werde. Viirehalb Johr sell de Maa wege gwerbsmässigem Betrug ins Gfängnis und sini Frau, wege Beihilf, drüehalb Johr. S Gricht isch dadermit unter de Forderig von de Staatsaawaltschaft blibe, wo für de Haupttäter e sächsjährigi Freiheitsstrof gfordered gha ​het.

S Gricht het au müesse entscheide, ob es d Bewiismittel, bsunders es Video wo ineme rechtliche Grauberiich entstande esch, wot zulah. Schints het d Schweri von de Tat – de Verurteilti isch sit em 1996 IV-Rentner – dazu bitrait, dass d Badener Richter das Video zuglah het.

Advertisements