Velotraining für 4.-Klässler

​Sit drü Johr organisiired Eltereteams und Eltereröt vo de Primarschuele en Velotrainingstag. Am 20. Mai 2017 esch  a es wider so wit.

Im Juni finded jewils d Velo-Prüefig vo de 4.-Klässler statt. Si müend unter Bewiis stelle, dass si d Verkehrsregle kenne, damit si sicher am Strossevercher chönnd teilneh. Zäme mit de Organisation Pro Velo und de Regionalpolizei Wettige-Limmigtal organisiire engsgiirti Eltere am Samschtig, 20. Mai uf em Pauseplatz vom Schuelhuus Alteburg en Velotrainingstag.

Fürs Fahrtraining, wo in chline Gruppe stattfind, bruuchds es Aameldig (Info bi dem Link) und es choscht 10 Franke. Für de Üebigsparcours uf em Pauseplatz bruuchds kei Aameldig und er esch gratis. Er isch vom Halbizähni bis um Halbiviiri offe, aber numme für Wettiger 4.-Klässler.

Advertisements