D Holzbrugg zwüsche Wettige und Noiehof esch in eme schlecht Zuestand. Das sell sich bald ändere.
Scho im 2007 het sich e Saniirig vo de Holzbrugg abzeichnet, wo aber nie realisiirt worde esch. De Zuestand esch dementsprechend schlecht. S Dach esch undicht, de Strassebelag het grossi Löcher gha, …
Au es Poschtulat vo de SVP im März 2012 het d Saniirig bisher nöd beschlüniged. Jetzt chunnt aber Bewegig in di Aaglägeheit. I Moment find e Zuestandserfassig von de Brugg statt, mit em Ziil, d Saniirigschoschte abschätze z chönne. Di selle dann Iigang in de Finanzplan finde und d Grundlag für en Kreditaatrag si.