Wi d EVP in ere Mediemitteilig schriibt, wird d Hanna Läng wider für d Schuelpfläg kandidiire, egal ob d Aazahl Behördemitglider bi siebe blibd oder uf füf reduziirt wird. Letschteres entscheided d Stimmbürger am 21. Mai 2017.
Bi de Wahle vor viir Johr esch d Hanna Läng Schuelpflägerin worde und het somit de EVP-Sitz verteidiged, wo vorher d Helen Suter gha het. Sither esch d hanna Läng i de Schuelpfläg für s Ressort Vernetzig zueständig und het i de letschte Johr vilfältigi Kontakt knüpft. Für d Witerentwicklig vo de Schuel Wettige, bsunders für d Zammenarbet vo Schuel und Eltere im Rahme vo de Schuelentwicklig und für de Usbau vo de Tagessschuel, wot si sich witer iisetze, so schriibt ihri Partei.
Für d Noiwahle vo de Schuelpfleg hend nach oiserne Informationsstand vo de bisherige nebe de Hanna Läng numme de Schuelpflägpräsident Thomas Siegrist erklärt, dass er wider wet aaträte. Klar esch au scho, dass Kirsten Ernst (SP), wo letscht Johr zudem in de Gmeindrat gwählt worde esch, nümm wird aaträte. An ihrer Stell het d SP d Iiwohnerrötin Kristin Lamprecht nominiirt.
Wettiger Nochrichte 