Am Pfingschtmentig esch s Chloschterfäscht

Vor sibe Johr hend d Melanie Bär und de Beni Egloff s Chloschterfäscht ins Läbe gruefe. Sither esch am Pfingschtmentig immer vil los uf de Chloschterhalbinsle. Für de Quartiirverein Wettige-Chloschter esch es zuglich s Quatiirfäscht.
Traditionell gits bim Chloschterfäscht verschidnigi Führige durch s Chloschter und s Chloschterareal. Me cha vil über d Gschicht vom Chloschter erfahre, aber au über s mittelalterlichs Handwerk, alti Kulturpflanze und viles meh. Au Spezialfüehrige für Chind werde aabote. Noi esch i dem Johr, dass me au hinter d Kulisse vo de aktuelle Veränderige uf de Chloschterhalbinsle cha luege, z. B. uf d Usgrabige, wo bim Abtshüüsli gmached worde sind. Wil s Areal dete in de ursprünglich Zuestand sell versetzt werde het me durch Usgrabige versuecht usezfinde, wi s Gländ zwüschem Alte Leue und em Abtshüüsli früehner usgseh het.
D Fäschtbeiz wird vom Quartiirverei betribe und um d Wartezit z verchürze, esch de Ablauf noi organisiirt worde. Zudem gits au es Aagebot für Vegetarier.

Chloschterfäscht: Pfingschtmentig, 5. Juni 2017, ab de Ölfi uf de Chloschterhalbinsle

Advertisements