Di 1. Herremannschaft vom Hockeyclub RotWyss Wettige het z Russland a de EuroHockey Club Trophy teilgnoh und s Turniir gunne. Mir gratuliered!

Vom 2. bis zum 5. Juni 2017 het z Elektrostal öschtlich von Moskau di Club Trophy 2017 stattgfunde. Scho im erschte Match am Fritig het Wettige zeiged, dass si ambitioniirt sind. Mit 2-1 hend si d Fäschtzält besiigt. Nach eme Unentschide gege Minsk (1-1) und eme 3-2 gege Prag het RotWyss d Gruppephase erfolgriich abgschlosse und als Gruppesiiger de Final gege de öschtriichisch Verträter SV Arminen chönne bestrite. Mit eme 1-0 het RotWyss sich könne de Turniirsiig sichere.