Am Aafang vo de Saison het sich das kaum öppe chönne vorstelle, was jetzt Realität esch: De FC Wettige isch ein Match vor Saisonänd Tabelleführer und het selber i de Händ – oder besser i de Füess – ob er in d 2. Liga interregional wird ufstiige.
Am Samschtig um Sächsi am Abe gohts los im altehrwürdige Stadion Alteburg. Trotz de 2:1 Niderlag am Mittwochabig z Köllike cha de FC am Samschtig us eigede Chraft de Ufstiig perfekt mache. Mit eme Siig über de FC Aarau 1902 wär d Sach klar. De Verei hofft uf vil engagiirti Fans, wo d Mannschaft bi dem wichtigschte Saisonmatch unterstützed.