De FC suecht Trainer für d E-Juniore

Bim FC Wettige chunnts uf die noii Saison zu einige Veränderige im Junioreberiich. Das teild de Verei uf sinere Homepage mit. Us dem Grund werde Trainer für d E- und F- Juniore gsuecht.
Bisher het de FC Wettige di chlinschte Tschüteler in de KIFU und FUSCHU ans Fuesballspile anegführt. Jetzt werded beidi uf Ändi Saison ufglöst, heissts in emem Schriibe, wo d Eltere vo de betroffene Chind übercho hend. D Fortschrittt wo me mit de KIFU und FUSCHU het welle erreiche, sigged nöd iiträte. Stattdesse wird uf di noi Saison d Kategorii G-Juniore gründ und je nach Nochfrog 1-2 Mannschafte aagmeld. Das entspricht de Johrgäng vo de KIFU. S Training erfolgt so in fixe Mannschafte, was em Teamgeischt und em Spiilverständnis sell zguet cho. Dafür het de FC au scho en Trainer chönn iistelle.
Anderscht is es bi de FUSCHU. Au dete wird e noii Mannschaft gmeld, aber es fählet Trainer/ Trainerinne. Trainererfahrig esch natürlech erwünscht, aber kei Vorussetzig. Interessieret ihr oich dafür oder kenned ihr öpper, wo sich chönnt interessiere? Dann melded oich bis am 30. Juni 2017 über s Kontaktformular uf de Homepage vom FC Wettige http://www.fcwettingen.ch oder direkt bim Marcel Benz.

Advertisements