S Kandidatefäld für d Gmeindrotswahl überchunnt langsam aber sicher di letschte Konture. Mit ere Medieinformation het de Philippe Rey mitteild, dass er am 24. September 2017 wider für de Gmeindrat wird kandidiire.

Philippe Rey.png
De Philippe Rey     (Foti: zVg)

S Kandidatefäld für d Gsamternoierigswahle isch lang und sit hüt isch au bi allne bisherige Gmeindröt klar, ob si wider kandidiire. Nebem parteilose Philipp Rey, wo no nöd het welle säge, ob er au als Vizeammaa sind Huet in de Ring wird werfe, sind das vo de bisherige de Gmeindammaa Roland Kuster (CVP),  de Markus Maibach und d Kirsten Ernst (beidi SP) und de Martin Egloff (FDP). Nüm aaträte werde Frau Vizeamma Antoinette Eckert (FDP) und de Daniel Huser (SVP). Die noi und in eim Fall wider kandidiirende sind de Lutz Fischer-Lamprecht (EVP), de Markus Haas (FDP), de Michael Merkli (FWW), de Daniel Notter (SVP) und de Sandro Sozzi (CVP).

Wenn es kei Überraschig durch e witeri Kandidatur git, dann isch au klar, dass im Wettiger Gmeindrat in de noie Legislatur no maximal ei Frau verträte isch.