Uf de Iiwohnerrat warted hüt einigi gwichtigi Traktande

Wi sell s Tägi in Zuekunft organisiirt si? Das isch nebe de Jahresrechnig und em Rechenschaftsbericht s vermuetlich s wichtigscht Traktandum vo de Sitzig vom Iiwohnerrot am 22. Juni 2017. Zudem gohts um de Hochwasserschutz, de Zivilschutz und einigi Vorstöss.
Es wird heiss si im Rothuussaal, so vil isch sicher. Ob numme wege de Temparature oder wege de Diskussione, das bliibd abzwarte. Es isch di zweitletscht Sitzig vor de Gsamternoierigswahle am 24. September, wo sich für d Parteie no einisch d Glägeheit bietet, sich inhaltlich z positioniire.  Zudem dörfti s ei oder ander Traktandum zu hitzige Diskussione führe.
Oiser Tipp au ufgrund vo de Fraktionsbricht: D Frog vo de Gesellschaftsform, mit dere s Tägi sell betriibe werde, wird zu de kontroverseschte Diskussione führe. Für alli Interessiirte werde mir – wenn nüd dazwische chunnt – wider live us em Rothuussaal twittere.

Advertisements