Geschter und hüt sind d Finalspil vo de NLA im Landhockey. Di erscht Manner- und di erscht Frauemannschaft vo RotWyss het geschter z Gänf unentschide gschpilt und chönnd hüt i de Bernau de Schwiizermeischtertitel hole. Unterstützig durch vili Fans isch willkomme!!
Hüt um Halbieis spild s NLA-Dameteam i de Bernau gege d Black Boys uf Gänf. De Match z Gänf, wo geschter stattgfunde het, het keini vo beide Mannschafte für sich chönne entscheide. Mit eme 1-1 isch hüt z Wettige alle möglich!
D Usgangslag vo de NLA-Herremannschaft isch di gliich. Au da hets geschter z Gänf gege Servette HC es Unetschide geh. Mit em 3-3 sind aber dütlich meh Tor gfalle wi bi de Dame. Au hiir isch hüt um Drü am Namittag alles möglich und nebem Schwiizermeischtertitel gohds au um d Qualifikation zu de Champions Trophy 2018.
Beidi Teams würded sich über vili Zueschauerinne und Zueschauer froie, wo si bi de beide wichtigschte Saisonspil unterstützed!