Rotwiis isch zweifache Schwiizermeischter!

Rotwiis het es gschafft: Sowohl d Dame- wi au d Herremannschaft hend de Schwiizermeischter-Titel gholt.

IMG_20170625_170400De Aafang hend Dame kurz nach em Mittag gmachd. In eme spannende Spil isch es nach de reguläre Spilziit unentschiede gstande, wi scho im Hispil am Samschtig z Gänf. So het durch es Penaltyschüsse müesse entschiede werde, ob Rotwiis oder d Black Boys Schwiizermeischter werde. D Wettiger Dame hend sich chönne duresetze und het so de Titel gunne. Gspannd hend d Wettigerinne dann de Manner chönne zueluege.
IMG_20170625_170944Au der Match isch spannend gsi und d Erlichterig bi de Mannschaft und de Fans isch risig gsi, wo in de erschte Spilhälfti s 1-0 für d Heimmannschaft gfalle isch. S 1-1 isch dann en empfindliche Dämpfer gsi, zumal es durch en Torwartfehler gfalle isch. Wo Wettige s 2-1 und bald au s 3-1 gschosse het, isch scho vor Spiländi Meischterschaftsstimmig ufcho. Servette het aber nie ufgeh und in de Schlussphase durch kurzi Ecke d Wettiger chönne unter Druck setze. Glichwohl het es bim Schlusspfiff immer no 3-1 für Rotwiis gstande und s Fiire het chönne losgoh.

Advertisements