De Räbhüslisonntig isch nass, aber gliichwohl erfolgriich gsi

S ehnder kühli und aafangs au füüchte Wetter het einigi Lüt davo abghalte in de Räbbärg z cho. D Veraastalter sind aber gliichwohl z fride.
De Roli Michel, Präsident vo de Wybaugnosseschaft, ziht e positivi Schlussbilanz vom 18. Räbhüslisonntig. Es siged zwar öppe 25% weniger Bsuecherinne und Bsuecher a de Lägerehang cho, aber de Tag isch unfallfrei gsi und de Umsatz uf em Niveau vom Vorjahr. Am Namittag, wo s Wetter besser worde-n-isch, da sind dann au d Bsuecherinne und Bsuecher zahlriicher cho. Teilwiis hets dann kei freii Plätz meh gha.

Advertisements