Wer hüt zum Fäschtgländ chunnt gseht Betonklötz, wo bi früehne Fäscht nöd si umme gsi. Sie ghöred zum noie Sicherheitsdispositiv vom Kanton.
D Aaschläg vo Nizza, Berlin und London, wo mit Hilf vo Fahrzüüg Passante umbrocht worde sind, zeiged, dass en Aaschlag kei grossi Vorbereitig bruuchd. Us dem Grund chönnd si im Prrinzip jederziit und überall passiire. Bi grosse Fäscht, vo vili Mönsche bienand sind, isch s Risiko höcher und deshalb müent Vorsichtsmassnahme troffe werde. In Zämmenarbeit mit em Kanton isch es Sicherheitsdispositiv erstellt worde, das genauso un Aarau ode rBrugg umgsetzt werded. Zum eine sind das settigi Betonblöck, an dene Fahrzüüg nöd vorbi chömmed, zum andere werded nach em kantonale Dispositiv au mobili Sperre mit Laschtwäge iigsetzt, um Zuefahrte schnell chönne z öffne für Aaliferige ode randeri Fahrzüüg, wo uf Fäschtgländ müend. Z Wettige het me das anderscht glöst, wil di Ladchtwäge ständig müesste bsetzt si.
Wettiger Nochrichte 