S grosse Schwimmbecki im Tägi isch ab sofort gschlosse!

Im Hallebad im Tägi werded in jedem Johr aafangs Juli Revisionsarbeite usgführt. Die jetzige hend dazu gführt, dass s grossi Becki au nach em End vo de Revision am 14. Juli 2017 zue blibt. S Nichtschwimmerbecke wird aber wider göffnet, so dass d Kürs und Schwimmstunde wi planed chönnd stattfinde.
Im Mai 2018 wird d Saniirig vom Täge aafah, aber aktuell zeiged sich, wi dringend d Saniirig isch. Bi de jährliche Resvisionsarbeite isch feschtgstellt worde, sind au d drü Deckefälder vom Halledach kontrolliirt worde. Daderbi het sich zeiged, dass d Spannfedere vo de Deckeufhängig stark korridiirt sind und es Risiko bestoht, dass d Federe breched und d Decki oder Teili vo de Decki chönnted abegheie. Ohni Massnahme ich en nöd möglich. E Saniirig vo de Decki würdi aber d Ziit, in dere s Becki bis zur Totalsaniirig im Mai 2018 no chönnd bruuchd werde, so sehr verchürze, dass e settigi Saniirig nöd in Frag chunnt, so schriibd Gmeind in ihre Mediemitteilig. S Grosse Becki wird deshalb us Sicherheitsgründ scho jetzt gschlosse. D Nichtschwümmerbecki und de witeri Betriibe vom Gartebad, Sporthalle, Kongressaal, Fitness und Sauna sind vo dere Schlüssig nöd betroffe.
Wil d Ergäbnis vo de Sicherheitsüberprüefig sehr überraschend gsi sind und de Gmeindrat sin Entscheid schnell het müesse treffe, isch d Frog vo de Iitrittspriise und d Frog, wi es mit de Abonnemente ghandhabd wird, no keis Thema gsi.

Advertisements