Wi jedes Jahr, sind au i dene Sommerferie verschidnigi Gruppe us Wettige a verschidnige Ort im Sommerlager. Mir versueched oich en Übersicht z verschaffe.
IMG_20170713_122332Es isch nöd ganz eso eifach usezfinde, welli Gruppe und Organisatione es Sommerlager aabüte und wo si sind. Vo daher isch oiseri Uflischitg vermuetlich nöd vollständig und mit froied ois über entsprechendi Ergänzige.
Vo de Pfarrei St. Anton sind d Meitli vom Blauring im Momänt z Selva im Bündnerland (8.-20. Juli 2017) und d Buebe vo de Jungwacht sind bis zum 21. Juli z Ghirone im Tessin. De Blauring vo de Pfarrei St. Sebastian isch sit em 10. Juli am Zelte und d Meitli chömmed am 21. Juli retour, während di reformiirt Chilegmeind scho am 15. Juli us em Lager für d 1.-5.-Klässler us Ängelbärg zruck chunnt.
D Pfadi Burghorn isch au im Lager, d Homepage machds eim aber nöd eifach usezfinde, wann und wo genau.
Kenned ihr Gruppe us Wettige, wo zur Zit ebefalls es Kinderlager veraastalte? Dann melded oich doch bi ois: wettigernews(at)gmail.com