De verhaftede Bankräuber isch schints en Mafioso

De vo de Polizei in de letschte Woche verhaftede Italiener isch lut Schlagziile vom Blick en Mafioso. Er sell z Italie zahlriichi Straftate begange ha.

De Blick nennt de Bankräuber Massimiliano P., wo am 29. Juni 2017 d UBS-Filiale z Wettige überfalle het, eine vo de abgebrüehteschte Verbrecher vo Italie und lischtet e ganzi Reihi vo Verbrechen uf, wo de Italiener zur Lascht glegd werde.

Im 2004 isch er in Drogeschmuggel vo Albanie uf Italie verwickled gsi und im gliche Johr het er d Tochter vom Antonio T. ghürote, eme Chef vomene Mafia-Clan z Catania. Im April 2005 isch er zu zäh Johr Gfängnis verurteild worde, aber scho im 2013 isch er wider in kriminelli Handlige verwickled gsi. Aafangs 2013 het er viir Postämter überfalle später eis davo no einisch. Bi de Flucht vor de Polizei isch er und sin Mittäter gäge en Laternepfahl gfahre und vomene Polizischt ins Bei gschosse worde. Warum er nach de damalige U-Haft wider frei cho isch, isch nöd klar.

Advertisements