D Bundesfiir am 1. August het Tradition und zu dere ghört, dass de Präsident vom Grosse Rat d Fäschtaasproch hält und es Gratis-Risotto git. So isch es au am Tsischtig.

Wer in de letschte Johr bi de Bundesfiir gsi isch, der kennts Programm vermuetlech scho uswändig. Si finded uf em Areal vo de Bezirksschuel statt und startet um Halbielfi am Vormittag. Es git au e Gratis-Chinderiisebahn. Um Elfi faht dann s Konzert vom Blasorchester Bade Wettige aa, ab em Halbizwölfi gits Gratis-Risotto und um Virtelabzwölfi stönd d Böllerschüss uf em Programm. Danach folgt de Fäschakt, bi dem d Red vom Präsident vom Grosse Rat, em Benjamin Giezendanner vo Rothrist und s Singe vom Schwiizerpsalm d Höhepünkt sind.

Aaschlüssend gits no es Konzert vo de Buurekapelle und um Viri am Namittag isch s offizielli Änd.