Bald fanged d Bauarbeit a de Halbarte- und de Hardstrass aa

Am 7. August 2017 selled d Bauarbeite für di koordiniirt Werkleitigs- & Strassesaniirig a de Hardstrass und de Halbartestrass aafange. De motorisiirt Verkehr wird mit ere Lichtsignalaalag a de Baustell vorbi gleitet.

De Gmeindrot het nach de Zuestimmig vom Kreditbegehre von Iiwohnerrot für de Umbau vo de Halbartestrass vom Käuflerkreisel bis zu de Hardstrass d Bauarbeite a d Firma Knecht vergeh. Ünernächschte Mentig sells los goh mit de Saniirig vo de Werkleitige. Zudem wird de Stasseruum umgschtaltet, so dass er de hütige Bedürfniss und im Kommunale Gsamtplan Verkehr (KGV) entspricht. Daderbi wird d Baumallee vo de Halbartestrass nördlich vom Käufelerkreisel bis zu de Iimündig vo de Hardstrass verlängered. Zudem wird de Strasseruum vo de Chrüzig Hardstrass/Halbartestrass schmäler und damit uf di übliche Mass für en Iimümdig in e 30er-Zone reduziirt.

Advertisements