De «SRF Musikwelle Brunch» chunnt morn us em Chloschter Wettige

Morn uf de Elfi isch de «SRF Musikwelle Brunch» z Bsuech im Chloschter Wettige. SRF isch dete im Gschpröch mit em Wettiger Hubert Spörri.

De Musikwelle-Brunch chunnt für einisch nöd us em Studio, sondern us em ehemalige Zisterzienserchoschter uf de Chloschterhalbinsle, teild SRF uf sinere Website mit.

Dete het de Komponist vom Schwiizerpsalm, de Albrecht Zwyssig vo 1821 bis 1841 gläbt. Passend zum Bundesfiirtig isch d Nationalhymne s Thema im Gschpröch mit em Hubert Spörri, em eifrige Förderer vo de Hymne. Er isch fasziniird vom Schwiizerpsalm, wil der es «Versöhnungswerk» sig. Der Tekscht vo de Hymne isch nämli de radikal Politiker, Verleger und Kunstfründ Leonhard Widmer, en Reformiirte, wo de Text zu de Melodie vom katholische Mönch Alberik Zwyssig dichted het. Das in ere Ziit, wo sich i de Schwiiz di Konservative und di Liberale erbitterd bekämpft hend. De Spörri het au e Schweizerpsalm-Mess komponiird, d «Mess mit em Schwiizerpsalm», wo im 2011 us Aalass vo de Vereidigung vo Schwiizergardischte sogar im Petersdom z Rom ufgführt worden isch.

D Sendig chunnt am Sunntig, 30. Juli 2017 uf de SRF Musikwelle um 11.03 Uhr.

Advertisements