Bim starke Gwitter kurz ab de Sächsi am Abig vom 1. August 2017 hets en grossflächige Stromusfall geh. Er isch aber schnell wider behobe gsi.

De Donnerschlag isch gewaltig gsi, wo me öppe Zähabsächsi z Wettige ghört het. Und Zack, isch au de Strom weg gsi. Mehreri Meldig sind bi ois aacho, wo en Stromusfall gmelded hend, vo de Quartiir Alteburg und Chloschter bis zum Dorf. Mir vermueted, de Stromusfall het meh oder weniger ganz Wettige troffe und mir sind gspanned uf oiri Rückmäldige dazu

Numme wenigi Minute spöter isch de Strom wider da gsi und in de Zwischeziit, het sich anschinend sogar s Gwitter wider verabschiidet (Stand: 18:24 Uhr).