Bald isch s 10. Fredis Rotary Grümpi

Bald isch es so wit. Dann started s 10. Mol s Fredis Rotary Grümpi wo vom Rotary Club Wettige-Heitersberg organisiirt wird. Es isch am 19. August 2017 uf de Wise vo de Bezirksschuel.

Fredi’s Rotary Grümpi für Mönsche mit ere Beiiträchtigung het Tradition. Es findet am übernächste Wochenende scho zum 10. Mol uf de Bezirksschulwise z Wettige statt. In drü Kategorie träted 17 Mannschafte aa. Um Halbizähni gohts los und um Viirtelvordrü ended s Turniir mit de Rangverkündigung. Dazwische gits e drüvirtelstündigi Mittagspause, wo um Virtelabzwölfi aafaht.

Zueschaurinne und Zueschauer sind herzlich willkomme und chönned sich, wi au d Sportler, mit Würscht vom Grill, Herdöpfelsalat und HotDogs verpfläge. Au Getränk stönd parat. Für d Spiilerinne und d Spiler isch d Verpflägig inklusiv, für alli andere stoht es Spendekässeli parat.

Advertisements