Im 1507 het de Chloschterbrand de gröschti Teil vom Chloschter zerstört. 10 Jahr später isch es wider gweiht worde, also vor 500 Jahr. Das isch en Grund zum Fiire!

Es isch no kei 200 Jahr her, da isch s Läbe uf de Chloschterhalbinsle von de Mönch prägt gsi. Im 1841 hend si s Chloschter müesse verlah und hend Jahre später in Mehrerau bi Bregenz e noii Heimat gfunde. Verbindige nach Wettige bestönd aber bis hüt und de Prior vo Mehrerau het au nach wi vor de Titel vomene Abt vo Wettige.

S Jubiläum wird am Sunntig, 13. August 2017 um Elfi am Vormittag mit ere festliche Eucharistifiir gfiired. Mit derbi im de Chloschterchile isch de Abt Anselm van der Linde und de Konvent vom Zisterzienser-Chloschter Wettige-Mehrerau. De Antoniuschor singt d Mess in G-Dur vom Franz Schubert für Soliste, Strichquartett, Chor und Orgle. Im Aaschluss ladt d Chilegmeind all Gottesdienstbesuecher zumeme Apéro i.

Am Namittag um Viiri isch e musikalischi Vesper mit em Abt Anselm und dem Konvent.