Wer z Wettige scho e Wohnig gsuecht het oder suecht, der weiss: Wohnruum isch knapp und tüür. De Iidruck wird vom statistische Amt vom Kanton Aargau mit klare Zahle belegt.
Im Aargau isch de Bestand an leere Wohnige höch. Mit 7323 Wohnige isch de Leerstand im Kanton so höch wi ni in de letschte 30 Johr. In de Kantonshauptstadt Aarau, wo ähnlich gross wi Wettige isch, stönd 233 Wohnige leer, davo 8 Eifamiliehüüser und Noibauwohnige. Ganz anderscht isch d Situation z Wettige, wo numme 45 leerstehendi Wohnige gmelded sind, da drunter eis Eifamiliehuus. E leeri Neubauwohnig isch z Wettige gar nöd z ha.