Sit viir Johr organissirt d EVP-Fraktionspräsidentin Marie Louise Reinert thematischi Spaziirgäng. De zweit vo dem Johr führt in d Kiisgruebe.
Am Samstig, 2. September 2017 find de zweit thematisch Spaziirgang vo de EVP statt. Er started um Zähni am Vormittag am Iigang vo de Kiisgruebe a de Tägerhardstrass. Bis um Eis am Namittag wird de Teilnehmende en Iiblick in d Biodiversität geh und en Imbiss offeriirt. Anderscht, wi me vilicht uf de erschti Blick meind, sind Kiisgruebe Hotspots vo de Arteviilfalt.

Themene sind d Landschaftsspange, Bachrenaturiirig, Wanderbiotop, Feldhase, Turmfalkeneschter, s Kiiswerk und moderni Betonherstellig. D Infos erfolged durch de Urs Meier (VR-Präsident) und de Beat Haller (Stiftig Natur und Wirtschaft).

De thematisch Spaziirgang isch e gueti Möglichkeit, um Kandidate vo de EVP kennezlehre. Au de Gmeindratskandidat Lutz Fischer-Lamprecht wird derbi si.

Us organisatorische Gründ sell me sich bis am Mittwoch, 30. August bi de Marie Louise Reinert per Mail (reinert(at)bluewin.ch) oder Telefon (056 426 99 03) aamelde.