Und scho esch au de Auguscht weder verbii und mer händ bald Herbst .. Wenn mer Glück händ veelech en Indian Summer…
En glichne Rückblick in Auguscht …
Am 1. Auguscht händ mer zäme uf de Bez. euse Natinal-Fyrtig g’fiired. Be schönschtem Sommerwetter esch au flissig grilled worde und gege de Obig händ sich alli uf die diverse Füürwerk g’freud… gege die 20ab Sächsi hed en heftige Blitz-Ischlag für es natürlichs Füürwerk g’sorgt und hed i einige Teil vo Wettige zome churz-ziite Stromunterbruch g’füehrt.
S Video hed bis hütt über 2000 Ufrüef erreicht:
https://www.youtube.com/watch?v=JJ6g1vA3kmw
Au sit em Auguscht hed d LägereBräu sis eigene Radler uf de Märt brocht.
De neui Schräg-Lift id und vo de Webermühli hed müess gsperrt werde, das zom glich Ziitpunkt wie au de Weg gsperrt gsi esch.
Au im Auguscht hed es alt i’gsessnig‘s Unternehme, Wettige de Rücke zuedreht …
S Holzbaugschäft Fleischmann AG esch sit Mitti Auguscht neu z Würelos deheime. Mit emem Tag vo de offene Türe esch die Vision vom Otto und em Toni Fleischmann jetzt Realität worde.
Will das Johr ja d Badefahrt statt g‘funde hät … esch au das Johr s Fisch-Esse früehner gsi als süsch. Be gueter Witterig händ zahlriichi Bsuecher de Weg as Wasser gfunde.
Bereits zom 10. Mol hed am erste Wochendi vo de Badefahrt Fredies Rotary Grümpi be herrlichen Wetter chöne dure g’füehrt werde.
Und s Tägi god per 26.Auguscht au weder Uuf!
Nachdem am 7. Juli de Gmeindrot gschrebe hed, dass s Tägi-Hallebad nümme wird uufgo bis nach de Sanierig .. händ einigi Arbeite a de Decki dezue g’füehrt, dass es weder per 26. cha göffnet werde cha.
En Blick über d Brugg .. während 10 Täg hed z Bade weder d Badefahrt stattgfunde. X Beizlis und Bars hed mer sich quer durch die ganzi Welt chönne verchöstige lo und dezue au mol öppis anderst trinke wie es Getränk us eusere Region. Zum Schluss hed es riisig’s Füürwerck das schöne Fest beendet.
Wettiger Nochrichte 