Am Woche-Eni vom 2./3. September 2017 finded diverse Wahlveranstaltige statt. Da dra merkt mer, dass bald Wahle vo de Türe stönd.
Scho hüt am Morge händ verschedeni Partei um Gunst vo de Wähler buhled. Am Bahnhof hed CVP Gipfeli verteilt und d EVP glichzitig Öpfel.
Am Samstig, 2. September 2017 organisiert d EVP de zweit thematisch Spaziirgang. Er started um Zähni am Vormittag am Iigang vo de Kiisgruebe a de Tägerhardstrass. Bis um Eis am Namittag wird de Teilnehmende en Iiblick in d Biodiversität geh und en Imbiss offeriirt. Anderscht, wi me vilicht uf de erschti Blick meind, sind Kiisgruebe Hotspots vo de Arteviilfalt.
Am Sonntig, 3. September organisiert d CVP en Brunch i de Leuschüür, wo die gsamti Bevölkerig vo Wettige herzlich iiglade esch. De Brunch startet um 9.30 Uhr und god bis ca. 13.30 Uhr. Koste duet de Brunch pro erwachsene Person 15 Franke, gratis esch es für Chend bis 12 Johr alt.
D SVP het am 2. September e Standaktion bi de NAB a de Landstrass. D Partei isch dete vom Nüni am Morge bis um Zwölfi.
Wettiger Nochrichte 